Ixxerja

Il-kantanta lokali Cherylis ħabbret li l-kanzunetta tagħha fuq kliem ta’ Corazon, rebħet il-50 edizzjoni tal-festival L-Għanja Tal-Poplu.

Hi esprimiet, “Għadni ma nistax nemmen li qed nikteb dan… 𝐌𝐚𝐫𝐚 tirbaħ il-50 edizzjoni tal-festival L-Għanja Tal-Poplu, u l-prestazzjoni tiegħi premajta għat-tieni darba bil-Premju Enzo Gusman għall-aħjar interpretazzjoni. Din l-għanja, fuq kliem u mużika ta' Corazon tirrakkonta s-saħħa, is-sensittività u l-istejjer li ħafna nisa jġorru fis-skiet! Għalhekk, li l-messaġġ tagħha wasal bi sħiħ f’qalbkom ifisser ħafna għalija.”

Żiedet tgħid, “Grazzi lit-tim tiegħi, lil Marie-Claire, Angela u Karen tal-kor sabiħ li għamlu, lil kull min emmen fija, f’din il-kanzunetta u f’dak kollu li tirrappreżenta! Dan il-mument ser nibqa’ ngħożżu għal dejjem. Għaliex jien 𝐌𝐚𝐫𝐚.”

Nawgurawlha mill-qalb għal din ir-rebħa u nawguraw ukoll lil kull min ħa sehem f’dan il-festival!

Ixxerja

Miktub Minn

Gabriella Borg

Studenta tal-liġi, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Spettaklu

L-Għanja Tal-Poplu 2026 – Ħamsin Sena Ta’ Mużika, Melodiji U Ċelebrazzjoni Tal-Lingwa Maltija

Bradley Zerafa Ilbieraħ

L-edizzjoni ta’ din is-sena tal-festival nazzjonali L-Għanja tal-Poplu 2026 tiċċelebra anniversarju storiku mill-isbaħ u rari tax-xena kulturali lokali: nofs seklu ta’ storja. Minn meta beda l-vjaġġ tiegħu aktar minn ħamsin sena ilu, dan il-festival stabbilixxa ruħu bħala l-akbar u l-aktar pjattaforma prezzjuża fejn il-lingwa Maltija, il-poeżija u l-mużika jiltaqgħu flimkien biex jagħtu vuċi lill-esperjenzi u […]