Ixxerja

Ramblers Malta qajmu tħassib dwar xogħlijiet li qed isiru f’parti mill-passaġġ tal-Victoria Lines fil-Għargħur, fejn skont l-għaqda qed jintuża l-konkos f’żona marbuta ma’ monument skedat ta’ Grad 1. F’messaġġ indirizzat lill-Kunsill Lokali tal-Għargħur, Ramblers Malta staqsew għaliex is-sezzjoni tal-passaġġ li tinsab fil-lokalità qed tiġi pavimentata bil-konkos.

L-għaqda għamlet referenza għall-permess 06969/22 marbut mal-passaġġ pedonali u sostniet li, skont dan il-permess, kellha tintuża bażi ta’ ramel aggregat miksi b’ġebla tal-franka riċiklata.

"Għaliex qed tpattu s-sezzjoni tal-passaġġ tal-Victoria Lines fil-Għargħur bil-konkos?" staqsew Ramblers Malta, filwaqt li sostnew li x-xogħlijiet qed jagħmlu ħsara lill-ambjent ta’ madwar monument skedat ta’ Grad 1. L-għaqda appellat sabiex ix-xogħlijiet jitwaqqfu u dak li sar jiġi rriversjat, bil-għan li jitħares il-karattru u l-ambjent storiku tal-Victoria Lines.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Diversi Xogħlijiet Għaddejjin Fil-Komunità Terapewtika Ta’ San Blas Biex Tissaħħaħ Is-Sigurtà

Emil Calleja Bayliss Illum

Id-Dipartiment tax-Xogħlijiet Pubbliċi qed ikompli jwettaq diversi proġetti fil-Komunità Terapewtika ta’ San Blas, immexxija minn Caritas Malta, bil-għan li jittejbu l-faċilitajiet u tissaħħaħ is-sigurtà tal-ambjent fejn jingħataw servizzi importanti.Fost ix-xogħlijiet li għaddejjin bħalissa hemm ir-rikostruzzjoni ta’ parti mill-ħajt tal-Komunità, li issa tinsab fl-aħħar stadji tagħha. L-intervent kien meħtieġ wara li Caritas Malta talbet l-assistenza tad-Dipartiment […]