Ixxerja

Joven Grech, magħruf ukoll bħala Tenishia, ilbieraħ wassal messaġġ mill-isbaħ fl-okkażjoni ta’ għeluq l-14-il sena ta’ ibnu l-kbir, Mason.

Joven irrakkonta kif fl-2012 kien jaf li d-data mistennija għat-twelid ta’ Mason kienet se tkun madwar it-tieni ġimgħa ta’ Awwissu. Minħabba l-impenji tiegħu bħala DJ internazzjonali, huwa kien talab lill-aġent tiegħu biex jorganizzalu spettaklu f’Melbourne f’dawk il-jiem, sabiex ikun viċin.

Dakinhar tat-twelid, malli spiċċa s-sett tiegħu f’Room 680, Joven telaq minnufih lejn l-isptar fi Frankston u rnexxielu jasal fil-ħin biex jilqa’ lill-ewwel iben tiegħu fid-dinja.Joven fakkar ukoll li l-istorja kienet dehret fuq DJ Mag flimkien mal-klassifika tiegħu fit-Top 50 ta’ dik is-sena. Huwa spjega kif dak iż-żmien kellu jippjana b’attenzjoni kbira sabiex isib bilanċ bejn il-ħajja tal-familja u l-vjaġġi internazzjonali marbuta mal-karriera tiegħu.

Erbatax-il sena wara, Joven ma setax ikun aktar kburi b’ibnu u bil-ġuvni li qed isir.“Happy birthday, Mason!” temm jgħid il-missier kburi. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Kieku Nista’ Nagħtik L-Akbar Rigal, Kont Nagħtik Ħajtek Lura” – Isabelle Bonnici Lil Binha Jean Paul

Eileen Cumbo Salerno Illum

Illum, 13 ta’ Awwissu huwa jum partikolarment emozzjonanti għal Isabelle Bonnici, hekk kif huwa għeluq snin binha Jean Paul Sofia.Ilbieraħ, Isabelle kitbet messaġġ lil  binha, fejn kitbet, “Għada għeluq sninek, sabiħ tiegħi.” Hija fissret kif din hija r-raba’ sena mingħajru. “Kliem m’hemmx biex jispjega kemm nimmissjak, kemm inħoss in-nuqqas tiegħek,” żiedet tgħid Isabelle, filwaqt li esprimiet ix-xewqa […]