Ixxerja

Is-Segretarju Parlamentari Alicia Bugeja Said qasmet messaġġ mill-isbaħ fuq il-paġna uffiċjali tagħha fejn iddeskriviet l-esperjenza ta’ bintha Margaux waqt attività ġewwa Skola Sajf

Permezz ta’ dan il-messaġġ, Alicia saħqet dwar l-importanza li sa minn età żgħira t-tfal għandhom jitgħallmu jħobbu u jirrispettaw lill-annimali.“Minn ċkunithom ngħallmuhom li kull annimal jistħoqqlu l-imħabba u r-rispett,” kitbet Alicia.

Hija ddeskriviet l-attività bħala waħda “tassew sabiħa u li fissret ħafna” għal Margaux u spjegat kif esperjenzi żgħar bħal dawn jistgħu jgħinu lit-tfal jikbru b’aktar imħabba u rispett lejn l-annimali. Fuq kollox l-ewwel tagħlim u valuri jibdew mill-familja.

Dan il-messaġġ juri kif dawk il-valuri l-aktar kruċjali (f’dan il-każ lejn l-annimali) jagħmlu differenza pożittiva meta jibdew jitrawmu sa minn età żgħira. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Kieku Nista’ Nagħtik L-Akbar Rigal, Kont Nagħtik Ħajtek Lura” – Isabelle Bonnici Lil Binha Jean Paul

Eileen Cumbo Salerno Illum

Illum, 13 ta’ Awwissu huwa jum partikolarment emozzjonanti għal Isabelle Bonnici, hekk kif huwa għeluq snin binha Jean Paul Sofia.Ilbieraħ, Isabelle kitbet messaġġ lil  binha, fejn kitbet, “Għada għeluq sninek, sabiħ tiegħi.” Hija fissret kif din hija r-raba’ sena mingħajru. “Kliem m’hemmx biex jispjega kemm nimmissjak, kemm inħoss in-nuqqas tiegħek,” żiedet tgħid Isabelle, filwaqt li esprimiet ix-xewqa […]