Ixxerja

F’dawn ix-xhur tas-sajf, huma ħafna fost dawk li jieħdu lill-klieb il-baħar biex huma wkoll igawdu ġurnata barra u xi għawma tajba. Madankollu, Animal Welfare Malta qed twissi dwar periklu li s-sidien għandhom ikunu konxji minnu.

F’kitba fuq il-paġna uffiċjali, Animal Welfare Malta spjegat li l-ilma tal-baħar jista’ jkun perikoluż għall-klieb jekk jixorbu wisq minnu. Fost is-sintomi ta’ avvelenament mill-ilma baħar li wieħed għandu joqgħod attent għalihom hemm bżieq eċċessiv, dgħufija, rimettar u dijarea.

Animal Welfare Malta twissi wkoll dwar sintomi aktar serji li jeħtieġu għajnuna veterinarja. Dawn jinkludu konvulżjonijiet, nuqqas ta’ koordinazzjoni, rata tal-qalb mgħaġġla u deni għoli. Għalhekk, meta tieħdu lill-kelb magħkom il-baħar, importanti li żżommu għajnejkom fuqu u tippruvaw tevitaw li jixrob ammonti kbar ta’ ilma mielaħ. Tajjeb ukoll li dejjem ikollkom ilma frisk disponibbli għalih speċjalment fil-ġranet sħan tas-sajf.

Jekk tinnotaw xi wieħed minn dawn is-sintomi wara li l-kelb ikun għamel xi ħin fil-baħar, importanti li tfittxu għal parir mingħand veterinarju.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Kien L-Isbaħ Żmien Ta’ Ħajti” – Shirley Cauchi Tfakkar Lil Żewġha Ġorġ Mallia

Eileen Cumbo Salerno Illum

B’niket tħabbret il-mewt tas-Sur Ġorġ Mallia: akkademiku, awtur, illustratur u cartoonist Malti. Martu, Shirley Cauchi, qasmet din l-aħbar permezz ta’ messaġġ sentimentali fuq il-midja soċjali.Shirley irrakkontat kif sa ftit sigħat qabel, Ġorġ kien għadu qed jaħseb fiha u jinkoraġġiha biex tieħu ħsieb lilha nnifisha. It-tnejn kienu qed jistennew bil-ħerqa s-7 ta’ Settembru, meta kienu se […]