Ixxerja

Ink, huwa labrador ta’ erba’ xhur biss, li għadu kif wasal Malta sabiex jibda kapitlu importanti f’ħajtu. Dan hekk kif se jkompli t-taħriġ tiegħu biex eventwalment isir kelb tas-servizz.

Matul din is-sena, Ink se jkun qed jgħix mal-familja Coleiro minn Ħal Lija. Dan il-perjodu se jgħinu jidra l-ħajja tipika ta’ kuljum u jissoċjalizza f’ambjenti u postijiet differenti biex isservi bħala parti mill-preparazzjoni tiegħu.

Wara li jlesti dan il-proċess, Ink se jingħaqad ma’ persuna li għandha bżonn l-assistenza ta’ kelb tas-servizz. Il-paġna Inklużjoni ħabbret ukoll li waqt żjara ġewwa Brussell, il-Ministru Julia Farrugia ħabbret li s-servizz tal-klieb ta’ assistenza se jissaħħaħ permezz ta’ ftehim ġdid mas-Service Dogs Malta Foundation.

Dan il-ftehim se jinkludi investiment ta’ aktar minn €150,000 fuq medda ta’ tliet snin. Nawguraw lil Ink kull suċċess fit-taħriġ tiegħu u fil-ħidma importanti li hemm tistennieh! 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Andrew Azzopardi Dwar Il-Qtugħ Tad-Dawl – “L-Impatt Fuq Il-Poplu Huwa Enormi” 

Eileen Cumbo Salerno Illum

Andrew Azzopardi tkellem fuq il-midja soċjali dwar is-sitwazzjoni tal-qtugħ tad-dawl u l-impatt li din qed tħalli fuq diversi persuni.Azzopardi sostna li s-sitwazzjoni ilha li marret lil hinn minn sempliċi problema teknika, filwaqt li ġibed l-attenzjoni wkoll lejn il-ħaddiema tal-Enemalta li qed ikollhom jaffaċċjaw sitwazzjoni diffiċli. “Dak li qed ngħaddu lill-ħaddiema tal-Enemalta mhuwiex sew u rridu […]