Ixxerja

Aħbar sabiħa għal dawk kollha li jħobbu lil Peppa Pig, hekk kif Peppa Pig bil-Malti se tirritorna għat-tielet staġun tagħha, u din id-darba t-tnedija se tkun iċċelebrata b’attività speċjali għal kulħadd.

Nhar il-Ħadd 13 ta’ Settembru, bejn l-10:30 u 12:30, ġewwa Shoreline se jkun hemm attività ddedikata lil Peppa Pig bil-Malti, fejn it-tfal se jkollhom l-opportunità jiltaqgħu mal-vuċijiet wara wħud mill-karattri favoriti tagħhom.

Matul l-attività se jkun hemm ukoll face painting, opportunitajiet biex wieħed jieħu ritratt ma’ Peppa Pig, wirjiet esklussivi ta’ episodji ta’ Peppa Pig bil-Malti u diversi attivitajiet oħra maħsuba għall-familja kollha.

Id-dħul għall-attività se jkun b’xejn, filwaqt li se jkun hemm ukoll parkeġġ b’xejn f’The Shoreline Mall.

L-ewwel episodju tat-tielet staġun ta’ Peppa Pig bil-Malti se jixxandar fit-28 ta’ Settembru.

Ixxerja

Miktub Minn

Charlton Cefai

Student tal-liġi, jħobb is-safar kif ukoll għandu għal qalbu ferm il-letteratura Maltija. Iħobb isegwi ferm id-dinja tal-ispettaklu kemm nazzjonali kif ukoll internazzjonali, b’mod speċjali fejn jidħol il-qasam tal-mużika. Fil-ħin liberu jħobb jikteb u jaqra jew inkella jara xi dokumentarju.

Issa

“Dan Kien Jien, Fis-Sena 2019, Qabel Il-Marda Rari Tiegħi Ħadet Ir-Riedni Kompletament” – Lennon John

Gabriella Borg Illum

Lennon John huwa ġuvni Malti li jbati bil-marda rari tal-IRD, Infantile Refsum Disease. Din hi marda li tirrikjedi terapija regolari biex tgħinu jikkontrolla s-sintomi tiegħu. Kull ġurnata ġġib l-isfidi tagħha magħha, iżda permezz tal-kuraġġ u l-appoġġ li jagħtuh is-segwaċi tal-paġna, hu jagħmel ħiltu biex ikompli għaddej u huwa ta’ ispirazzjoni għalina lkoll.Fuq il-paġna uffiċjali tiegħu […]