Ġurnata speċjali għal Anġlu, li qed jiċċelebra għeluq is-86 sena tiegħu, u Caritas Malta għażlet li timmarka din l-okkażjoni b’messaġġ mill-qalb fuq il-midja soċjali. Fid-dedika tagħha, Caritas Malta rringrazzjat lil Anġlu għall-ħidma li jwettaq b’passjoni u dedikazzjoni, b’mod partikolari għall-ġid tar-residenti u tal-membri tal-istaff.
“Anġlu, nawgurawlek minn qalbna f’għeluq is-86 sena! Nirringrazzjawk ta’ kemm taħdem minn qalbek u b’passjoni għall-ġid tar-residenti u tal-istaff,” kitbet Caritas Malta. Minkejja li llum qed jiċċelebra 86 sena, jidher li Anġlu għadu jagħti sehmu b’impenn u b’qalb kbira, xi ħaġa li żgur mhix qed tgħaddi inosservata minn dawk ta’ madwaru.
Caritas Malta kompliet id-dedika tagħha b’wegħda li żżommu fit-talb tagħha, filwaqt li awguratlu aktar saħħa biex ikun jista’ jkompli jxerred l-imħabba permezz tal-għemil tiegħu ta’ kuljum. “Inwegħduk li nitolbu għalik biex Alla jimliek b’iktar saħħa u mħabba li xxerred ta’ kuljum bl-għemil tiegħek,” temmet tgħid Caritas Malta.
Messaġġ sabiħ ta’ rikonoxximent lejn persuna li, anke fl-età ta’ 86 sena, tibqa’ tagħti mill-ħin u l-enerġija tagħha għall-oħrajn. Nawguraw lil Anġlu l-isbaħ xewqat f’għeluq sninu, mimlijin saħħa, ferħ u ħafna aktar mumenti sbieħ!
Facebook / Caritas Malta
