Ixxerja

Mument speċjali għall-artista żagħżugħa Leah Gauci hekk kif ħarġet rebbieħa ta’ The Voice of the Sea, kisba li ħallietha bla kliem wara li kantat quddiem udjenza kbira. Leah qasmet il-ferħ tagħha fuq il-midja soċjali, fejn stqarret li għadha ma tistax temmen dak li rnexxielha tikseb.

“Għadni ma nistax nemmen dan il-mument!” kitbet Leah, filwaqt li rringrazzjat lil dawk kollha li kienu ta’ sostenn għaliha tul dan il-vjaġġ. Ringrazzjament partikolari mar lejn Gillian Attard, li Leah qalet li għenitha tikber bħala artista, temmen aktar fiha nnifisha u tikseb il-kunfidenza meħtieġa biex titla’ quddiem udjenza daqstant kbira.

Hija kellha wkoll kliem mill-isbaħ għall-ġenituri tagħha, li dejjem emmnu fil-kapaċitajiet tagħha, inkoraġġewha toħlom akbar u komplew jimbuttawha biex tagħmel il-pass li jmiss fil-vjaġġ artistiku tagħha.

Leah irringrazzjat ukoll lill-coaches Hanna Kohanchik, Giacomo u Bepye għall-għajnuna tagħhom. “Din ir-rebħa tfisser id-dinja għalija,” temmet tgħid iż-żagħżugħa artista. Prosit kbira lil Leah għal din il-kisba u nawgurawlha aktar suċċessi fil-vjaġġ mużikali tagħha!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Flimkien Ilħaqna L-Għan Tagħna…” – 55 Donaturi Reġistrati F’Għeluq Snin Rene Pizzuto

Kyle Zarb Illum

Rene Pizzuto għażel li jiċċelebra l-50 sena tiegħu b’mod tassew speċjali, billi organizza attività f’Ta’ Qali National Park bil-għan li jinġabru 50 borża demm jew aktar.Meta tkellem magħna ta’ Gwida.mt, Rene spjega kemm din l-inizjattiva kienet importanti għalih, u issa jista’ jgħid li l-għan intlaħaq b’suċċess. Fl-attività kien hemm 55 donatur reġistrat, numru li għadda […]