Ixxerja

Ġest mill-isbaħ minn Emily u missierha wassal għal messaġġ ta’ ringrazzjament minn DAR Bjorn, li qasmet l-istorja tagħhom fuq il-mezzi soċjali. Emily dan l-aħħar iċċelebrat għeluq sninha, iżda minflok żammet il-flus li rċeviet bħala rigal, iddeċidiet li tagħtihom bħala donazzjoni lil DAR Bjorn.

“Emily iċċelebrat għeluq sninha, u minflok żammet il-flus li qalgħet, tat donazzjoni lil DAR Bjorn,” kitbu. Iżda l-ġenerożità fil-familja ma waqfitx hemm. Missier Emily, li jaħdem mal-MITA, kien qed jagħti daqqa t’id waqt il-maratona ta’ DAR Bjorn u, wara li għamel donazzjoni, irnexxielu jirbaħ iPhone.

Minflok żammu għalih, iddeċieda li jbigħu u jagħti lil DAR Bjorn il-flus kollha li daħħal mill-bejgħ tiegħu. “Familja b’qalb tajba ħafna, grazzi!” temmew jgħidu DAR Bjorn. Żewġ ġesti sbieħ mill-istess familja li juru kif anke okkażjonijiet personali jistgħu jinbidlu f’opportunità biex tingħata għajnuna lil ħaddieħor.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Julia Ann Cluett Tkompli Tagħmel Isem Barra Minn Malta – Għat-Tielet Darba Fin-New York Fashion Week

Emil Calleja Bayliss Illum

Julia Ann Cluett qed tkompli tagħmel isem għal Malta fix-xena internazzjonali tal-moda, hekk kif għal darb’oħra sabet ruħha fuq il-catwalk tan-New York Fashion Week. Miss Universe Malta ħabbru li din hija t-tielet darba li Julia qed timmudella għal disinjaturi internazzjonali waqt wieħed mill-aktar avvenimenti importanti fid-dinja tal-moda.Din hija kisba oħra fil-vjaġġ internazzjonali ta’ Julia, li […]