Ixxerja

L-Irlanda għadha kif ħabbret li għat-tieni sena konsekuttiva mhijiex se tkun qiegħda tipparteċipa fil-Eurovision Song Contest. Il-pajjiż se jkun qed jagħmel dan bħala turija ta' protesta għad-deċiżjoni tal-EBU li tħalli lill-Iżrael jieħu sehem, minkejja s-sitwazzjoni attwali f'Gaża. L-istazzjon nazzjonali Irlandiż ħabbar ukoll li hu mhuwiex se jkun qed ixandar il-Eurovision tal-2027.

Min-naħa tiegħu, id-direttur tal-Eurovision Song Contest, Martin Green, fisser id-dispjaċir tiegħu li l-Irlanda mhijiex se tkun fost il-parteċipanti tas-sena d-dieħla, filwaqt li esprima t-tama tiegħu li l-pajjiż ma jdumx ma jirritorna u jerġa' jibda jieħu sehem mill-ġdid f'din il-kompetizzjoni mużikali.

Dan ifisser li s'issa huma tnejn il-pajjiżi li s-sena d-dieħla mhumiex se jkunu qed jibagħtu artist jew artista minn tagħhom sabiex jirrappreżentawhom fuq il-palk tal-Eurovision ġewwa l-Bulgarija. Dan hekk kif ftit ġimgħat ilu l-Olanda wkoll ħabbret li se tkun qed tagħmel bojkott lill-Eurovision minħabba l-istess raġuni.

Intom x'taħsbu dwar id-deċiżjoni tal-Irlanda li ma tipparteċipax fil-Eurovision?

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Singapore Se Jibda Jħallas Lin-Nies Biex Jaqraw, Minflok Jiskrolljaw Fuq Il-Midja Soċjali

Cristian Tonna Illum

Sabiex jiskoraġixxi lin-nies milli jqattgħu ħin twil jiskrolljaw fuq il-midja soċjali, Singapore se jkun qiegħed iħallas liċ-ċittadini tiegħu sabiex jaqraw għal minn tal-inqas kwarta kuljum. Il-pajjiż qed jittama li b’dan l-inċentiv finanzjarju jistimula l-ħsieb kritiku, l-immaġinazzjoni kif ukoll il-konċentrazzjoni tal-poplu.Din l-inizjattiva qiegħda tieħu l-ħajja permezz ta’ sit onlajn li l-gvern ta’ Singapore nieda fejn in-nies […]