Kull bidla tibda b’deċiżjoni, iżda hija d-determinazzjoni li żżommna għaddejjin meta l-vjaġġ isir diffiċli. Dan huwa eżattament il-messaġġ li qed twassal il-kantanta Celine, hekk kif qasmet aġġornament ġdid dwar il-vjaġġ tagħha ta’ telf ta’ piż.
Permezz ta’ ritratt ta’ qabel u wara, Celine wriet id-differenza li rnexxielha tagħmel s’issa, filwaqt li għażlet il-Ġimgħa biex tfakkar lilha nnifisha u lil dawk li jsegwuha biex ma jaqtgħux qalbhom.
“Motivational Fridays” kitbet, hekk kif spjegat li l-vjaġġ tagħha għadu ’l bogħod milli jintemm. Fil-fatt, qalet li fadlilha madwar 60 kilo oħra biex tilħaq il-piż li għandha fil-mira. Minkejja dan, il-kliem tagħha juri li għaliha l-importanti mhux biss id-destinazzjoni, iżda kull pass li qed tagħmel biex tasal hemm.
Il-vjaġġ jista’ jkun twil u mimli sfidi, iżda Celine qed turi li l-bidla ma tiġix mil-lum għal għada. Tiġi bil-paċenzja, b’konsistenza u, fuq kollox, bid-determinazzjoni li tkompli anke fil-ġranet diffiċli.
Facebook/Celine Żel
