Ixxerja

Il-Ministru Anton Refalo awgura lill-ħabib tal-qalb tiegħu f’jum għeluq sninu.

Hu kitiblu, “Il-Bużaqq. Wieħed mill-ikbar ħbieb li tatni l-ħajja. Ħabib li ma kellix bżonn nispjegalu ħafna, għax ħafna drabi kien jifhimni mingħajr kliem. Bniedem leali, puntwali, sieket, ġentlom u xufier mill-aqwa. Imma fuq kollox, bniedem ta’ qalb kbira. U dak li l-aktar ngħożż fik, Bużaqq, hu li dejjem sibtek hemm. F’mumenti sbieħ, imma aktar u aktar f’dawk il-mumenti diffiċli fejn tkun taf min huma tassew il-ħbieb tiegħek.”

Żied jgħid, “Hemm ħbiberiji li jgħaddu maż-żmien, u hemm oħrajn li jsiru parti minn ħajtek. Il-ħbiberija tagħna hi waħda minn dawn. U naf li, tkun fejn tkun il-ħajja, din il-ħbiberija se nibqa’ nġorrha miegħi tul ħajti kollha. Bużaqq, illum ma rridx ngħidlek ħafna kliem. Irrid biss ngħidlek GRAZZI, talli kont hemm, talli bqajt dejjem l-istess, u fuq kollox, talli kont u għadek ħabib veru. Nawguralek minn qalbi ħafna saħħa, hena u għomor twil. J’Alla jkollna ħafna u ħafna aktar snin u memorji x’naqsmu flimkien. Grazzi tal-ħbiberija tiegħek.”

Aħna mit-tim ta’ Gwida.mt nawgurawlu l-isbaħ xewqat!

Ixxerja

Miktub Minn

Gabriella Borg

Gradwata fil-liġi u fl-istudju Notarili, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Issa

“Ma Kontx Qed Nistenna Li Dawk Il-Ftit Minuti Kienu Se Jqanqluli Daqshekk Emozzjonijiet” – Dr. Nicholas Briffa

Gabriella Borg Illum

Dr. Nicholas Briffa ġedded memorji ta’ tfulitu l-mużew u qasam xi ftit ħsibijiet fuq il-paġna tiegħu.Kiteb, “Hemm postijiet li, tkun ilek kemm tkun ilek ma tidħol fihom, malli terġa’ tirfes l-għatba ta’ ġewwa jġibulek quddiem għajnejk żmien sabiħ li qatt ma jista’ jerġa’ jiġi lura. Hekk ġrali llejla! Mort niġbor lil Ġwann mill-Mużew u, għall-ewwel […]