Illum hija ġurnata speċjali għall-make-up artist Jean Zammit, hekk kif qed jiċċelebra għeluq is-47 sena tiegħu!
F’din l-okkażjoni, Jean qasam messaġġ fejn esprima l-gratitudni tiegħu għar-rigal tal-ħajja u għal sena oħra li jista’ jilqa’ b’qalb miftuħa u b’ħafna tama. “Happy Birthday to me! Grateful for the gift of life and another beautiful year,” kiteb Jean, filwaqt li wera x-xewqa li dan il-kapitlu ġdid iġib miegħu l-hena, l-imħabba, is-suċċess, saħħa tajba u barkiet bla għadd.
Hekk kif jagħlaq sena oħra, Jean qed iħares ’il quddiem b’ottimiżmu, lest biex ikompli jikber, jitgħallem u jilqa’ l-opportunitajiet li ġġib magħha l-ħajja, għax wara kollox, għeluq snin mhuwiex biss ċelebrazzjoni ta’ sena oħra li tgħaddi, iżda wkoll mument biex wieħed jieqaf ftit, jirrifletti fuq il-vjaġġ tiegħu u japprezza dak kollu li għandu.
It-Tim ta' Gwida.mt ukoll jawgura lil Jean Zammit l-isbaħ xewqat f’dan il-jum speċjali! Jalla s-sena l-ġdida ta’ ħajtu tkun mimlija saħħa, ferħ, imħabba u aktar suċċessi!
Facebook/Jean Zammit
