Hekk kif toqrob l-atmosfera misterjuża ta' Halloween, il-make-up artist magħruf lokali Henry Galea ħoloq dehra spettakolari għal dan iż-żmien billi ta l-ħajja lil wieħed mill-aktar karattri ikoniċi fil-folklor Malti: Il-Babaw. Permezz ta' talent viżiv mill-aqwa u trasformazzjoni li tħallik bla kliem, Henry għaqqad l-arti tal-irtokk professjonali ma' biċċa kultura li kważi kull Malti u Maltija trabbew jafuha sa minn ċkunithom.
F'filmat maqsum fuq il-paġna uffiċjali tiegħu, Henry dar fuq is-segwaċi tiegħu b'mistoqsija mimlija nostalġija u daħk: "Kull min trabba Malta jaf min hu l-Babaw... il-ġenituri tagħkom kienu jbeżżgħukom bih ukoll?!" Huwa spjega li għal dan l-istaġun tal-biża' ried jagħti togħma purament Maltija billi jibbaża l-kreazzjoni tiegħu fuq il-leġġendi li kienu jintużaw fl-antik biex it-tfal joqogħdu kwieti jew jieklu l-ikel kollu.
Din it-trasformazzjoni mhux biss tiċċelebra l-kapaċitajiet artistiċi eċċezzjonali ta' Henry Galea fix-xena lokali u internazzjonali tal-għamla u l-prostetiċi, iżda turi wkoll kemm il-folklor tradizzjonali Malti għad għandu post b'saħħtu fil-kreattività moderna tal-lum.
Inti kienu jbeżżgħuk bih Il-Babaw?
Facebook/Make-up by Henry Galea
