Ixxerja

Il-kantanta ċelebri Maltija Mary Spiteri llum tiċċelebra għeluq sninha. Mary żgur li tibqa' magħrufa għall-kanzunetta tagħha Little Child li biha klassifikat fit-tielet post fil-Eurovision Song Contest tal-1992. Dak kien l-aħjar riżultat ta' Malta u sal-lum il-ġurnata għadu wieħed mill-aqwa erba' riżultati li qatt kiseb pajjiżna.

Riċentament, f'Dar il-Meditterran ittella' l-ispettaklu Mary Spiteri: My Life fejn tul l-ispettaklu ġiet iċċelebrata l-karriera grandjuża fil-kant tagħha mifruxa fuq 50 sena. Mary Spiteri hija fost l-aktar kantanti popolari f’Malta. Hija magħrufa wkoll għall-verżjoni tagħha tal-kanzunetta Tema ’79 mir-rock opera magħrufa Ġensna.

Infatti il-produzzjoni Mary Spiteri: My Life kienet l-ewwel bijografija ta' dan it-tip li ġiet prodotta live ġo teatru. F'isem it-tim ta' Gwida.mt, nawguraw lil Mary Spiteri l-isbaħ xewqat f'dan il-jum għażiż u nittamaw li jkollha sena mimlija saħħa, hena u paċi. Awguri Mary!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Gossip

“Nibgħat Saħħa U Mħabba Lil Persuna Ġentili, Unika U Tassew Speċjali” – Ivan Grech

Kyle Zarb Illum

Il-kantant lokali Ivan Grech qasam messaġġ mill-qalb bi kliem tant prezzjuż għal persuna speċjali immens f’ħajtu, oħtu Josette Hamilton. Qasam ritratt flimkien ma’ Josette għall-okkażjoni bħala parti mill-awgurju tiegħu.“Nibgħat saħħa u mħabba lil persuna ġentili, unika u tassew speċjali; persuna li għandi x-xorti u l-kburija li nsejħilha oħti. Awguri mill-qalb f’għeluq sninek illum, u dejjem, […]