Il-fotografu Malti Kurt Cassar, minn Still Images Malta, kien parti mit-tim tal-fotografija tal-Cosmopolite Fashion Show, avveniment internazzjonali tal-moda li sar nhar is-Sibt 24 ta’ Ottubru 2026 fis-Sheraton Brussels Airport, fil-Belġju.
Matul dan l-avveniment, Cassar kellu l-opportunità jiddokumenta l-preżentazzjonijiet tal-moda fuq ir-runway kif ukoll mumenti minn wara l-kwinti.
L-esperjenza laqqgħetu ma’ ambjent kreattiv internazzjonali li jiġbor flimkien disinjaturi, mudelli u professjonisti tal-fotografija.
“Din l-opportunità tatni ċ-ċans naħdem ma’ fotografi internazzjonali, disinjaturi u mudelli, u nesperjenza mill-qrib kif jitħejja u jittella’ spettaklu tal-moda fuq livell internazzjonali. Għalija kienet esperjenza importanti ħafna u pass ieħor ’il quddiem fil-vjaġġ tiegħi bħala fotografu,” qal Cassar.
Permezz ta’ Still Images Malta, Kurt Cassar jaħdem fil-qasam tal-fotografija u l-vidjografija, b’ħidma li tinkludi tiġijiet, avvenimenti u proġetti kreattivi.
Il-parteċipazzjoni tiegħu f’dan l-avveniment fi Brussell tirrappreżenta opportunità oħra biex ikompli jwessa’ l-esperjenza tiegħu lil hinn minn Malta.
Kurt Cassar
