Ixxerja

Erbatax-il sena wara l-mewt traġika ta’ Dun René Cilia, il-memorja tiegħu tibqa' ħajja fost dawk li kellhom ix-xorti li jsiru jafuh.

Permezz ta’ messaġġ fuq Facebook, Etienne Schembri fakkar il-ġrajja traġika ta' nhar l-4 ta’ Novembru 2012, meta grupp ta’ nies li kienu qed jistennew il-quddiesa ta’ filgħodu fil-Knisja ta’ Santa Marija tal-Ħlas, fiż-Żejtun, baqgħu mingħajrha. Schembri ddeskriva lil Dun René bħala “s-saċerdot tat-tbissima” u fakkar kif il-qassis li kellu jqaddes fis-sebgħa ta’ filgħodu kien tilef ħajtu f’inċident tat-traffiku. Huwa temm il-messaġġ tiegħu bil-kliem: “Strieħ fis-sliem għażiż Dun René.”

Dun René Cilia, li kellu 27 sena u kien minn Ħal Qormi, miet fl-4 ta’ Novembru 2012 wara inċident fi Triq Tal-Barrani, waqt li kien fi triqtu lejn iż-Żejtun biex iqaddes. Dak iż-żmien kien iservi fil-komunità Żejtunija u kien magħruf ukoll għall-ħidma tiegħu maż-żgħażagħ.

Lil hinn mill-ħidma pastorali tiegħu, Dun René kellu mħabba kbira lejn il-kitba. Fl-2010 kien ippubblika r-rumanz għaż-żgħażagħ “Is-Saltna tal-Ħamsin” u kien attiv ukoll fl-użu tal-mezzi diġitali biex iwassal messaġġi ta’ kuraġġ.

Insellmu l-memorja tiegħu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

L-ERA Tistieden Lill-Organizzaturi Tat-Tlielaq Biex Jagħtu Importanza Akbar Lis-Sostenibbiltà

Kyle Zarb Illum

L-Awtorità għall-Ambjent u r-Riżorsi (ERA) qed terġa’ tistieden lill-organizzaturi ta’ tiġrijiet u avvenimenti sportivi biex jagħmlu s-sostenibbiltà parti integrali mill-attivitajiet tagħhom, wara r-rispons pożittiv li kisbet din l-inizjattiva fis-snin preċedenti.Permezz ta’ miżuri sempliċi u prattiċi, diversi tiġrijiet irnexxielhom inaqqsu l-iskart u jħeġġu lill-parteċipanti jagħmlu għażliet aktar favur l-ambjent.L-esperjenza wriet li s-sostenibbiltà tista’ tiġi integrata faċilment […]