Josette Busuttil qed tagħmel appell lill-pubbliku biex jingħata appoġġ immedjat lil Hope, tarbija li twieldet b'kundizzjonijiet ta' saħħa li jeħtieġu kura u attenzjoni kontinwa, kif ukoll lil ommha li qed trabbiha waħedha.
Skont Busuttil, il-familja bħalissa qed tiffaċċja diffikultajiet finanzjarji kbar biex tlaħħaq mal-ispejjeż essenzjali ta' kuljum. Minħabba f'hekk, qed issir sejħa għal kull min jista' joffri għajnuna, anke jekk tkun żgħira.
L-aktar affarijiet meħtieġa b'urġenza huma:
- Aptamil 1
- Nappies Size 5
- Ikel bażiku għall-omm
"Kull għajnuna, żgħira kemm hi żgħira, tista' tagħmel differenza kbira fil-ħajja ta' din il-familja," sostniet Busuttil fl-appell tagħha.
Dawk li jixtiequ jagħtu daqqa t'id jew jeħtieġu aktar informazzjoni jistgħu jikkuntattjaw lil Josette Busuttil permezz ta' WhatsApp fuq 9811 2532.
Busuttil appellat ukoll lil dawk li ma jkunux jistgħu jgħinu direttament biex tal-anqas ixerrdu l-appell speċjalment fuq il-midja soċjali.
Kull ġest ta' solidarjetà jista' jagħmel differenza reali fil-ħajja ta' din il-familja f'dan il-mument diffiċli.
Facebook/ Josette Busuttil
