Ixxerja

Eżattament bħal-lum 8 snin ilu pajjiżna beka t-telfa tal-kantant lokali Tony Camilleri, magħruf minn ħafna bħala l-Bayzo. Hu kien sar magħruf fost il-Maltin l-iżjed permezz tas-sehem tiegħu fil-band lokali The Malta Bums li tat il-ħajja lil għadd kbir ta’ kanzunetti ta’ suċċess fosthom ‘L-Ewwel Tfajla Li Ħabbejt’.

Matul il-karriera tiegħu Tony kellu l-opportunità li jdoqq f’numru kbir ta’ pajjiżi fosthom il-Ġermanja, l-Awstralja, l-Kanada kif ukoll l-Amerka. L-hena tiegħu kienet li jdoqq lil dawk l-emigranti Maltin li jiltaqa’ magħhom barra minn xtutna.

Hu kien ukoll ħa sehem fl-ewwel rock-opera li ttellgħet f’pajjiżna lura fl-1974 fit-Teatru Manoel li kienet iġġib l-isem ta’ ‘Dream’.

Tony irrappreżenta lil pajjiżna wkoll kemm-il darba f’numru kbir ta’ festivals barranin u bit-talent straordinarju tiegħu dejjem għamel unur lill-Maltin.

Fost oħrajn fakkar fuq il-midja soċjali l-memorja tiegħu llum il-mużiċist Daniel Cauchi fejn iddedika kanzunetta għalih.

Jistrieħ fis-sliem!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Gossip

Anġli, Arti U Politika – Immaġina Li Kieku Robert Abela U Alex Borg Isiru Anġli!

Emil Calleja Bayliss Ilbieraħ

F’dawn l-aħħar jiem, l-Italja sabet ruħha f’nofs kontroversja mhux tas-soltu, u kollox beda b’xbiha artistika. Fuq il-midja soċjali bdew iduru ritratti ta’ anġli f’stil klassiku, kważi Rinaxximentali, li kellhom wiċċ li jfakkar (ftit wisq jew wisq ċar, skont min tistaqsi) f’dak tal-Prim Ministru Taljana, Giorgia Meloni. Dak li għal xi wħud kien esperiment artistiku jew […]