Illum għaddiet sena mir-rebħa ta’ Miriana Conte fil-Malta Eurovision Song Contest 2025 bil-kanzunetta KANT, u li biha rebħet l-opportunità li tirrappreżenta lil pajjiżna f’Basel.
Bħal-lum sena Miriana rebħet il-MESC b’182 punt, u minn dakinhar beda vjaġġ ta’ xhur għall-artista lokali biex tagħmel isem għal Malta.
Il-vjaġġ ta’ Miriana lejn Eurovision ma kienx biss tliet minuti fuq il-palk; kien irwol ta’ determinazzjoni u perseveranza, li qdiet b’suċċess. Qabel ma rebħet fil-MESC, Miriana diġà kienet għamlet diversi tentattivi f’dan il-kummerċ u kompliet tiżviluppa l-istil tagħha billi tgħaqqad pop kontemporanju ma’ influwenzi soul u R&B.
Wara r-rebħa tagħha f’Malta, il-vjaġġ tagħha lejn Basel sar ta’ interess internazzjonali meta l-isem oriġinali tal-kanzunetta Maltija KANT, kelma Maltija, kellha tiġi immodifikata għal SERVING minħabba regolamenti tal-EBU.
F’Mejju 2025 Miriana ħadet lil Malta għall-finali għal l-ewwel darba mill-2021 fis-semi-finali, u kkompetiet ma’ 25 pajjiż fil-finali tas-Sibt. L-artista lokali ħalliet impatt qawwi mhux biss bil-prestazzjoni tagħha, iżda bil-karattru awtentiku u onest tagħha u bl-artistrija impekkabbli.
Illum, il-suċċess ta’ Miriana jħalli impatt dejjiemi fuq il-mappa mużikali Maltija, mhux biss bħala parteċipanti fil-festival internazzjonali tal-Eurovision, iżda wkoll bħala simbolu ta’ kreattività, żvilupp u kapaċità artistika.
Facebook/ Eurovision Song Malta
