Ixxerja

Aħbar sabiħa għas-segwaċi tas-sensiela Maltija Il-Kliem Moħbi, hekk kif it-tim tal-produzzjoni ħabbar uffiċjalment li s-sensiela se tkompli bit-tielet u r-raba' staġun.

Fi stqarrija fuq il-midja soċjali, it-tim żvela li ż-żewġ staġuni l-ġodda huma kkonfermati u se jixxandru fuq Tokis, b'13-il episodju minn Marzu 2027 u 13-il episodju ieħor minn Ottubru 2027.

L-aħbar waslet wara r-rispons pożittiv li kiseb l-ewwel staġun, li għadu disponibbli kemm on demand kif ukoll fuq Tokis matul ix-xhur tas-sajf, sabiex aktar telespettaturi jkollhom iċ-ċans isegwuh.

It-tim fakkar ukoll li t-tieni staġun tas-sensiela huwa skedat li jibda jixxandar lejn l-aħħar ta' Settembru jew il-bidu ta' Ottubru 2026, dejjem fuq Tokis.

Fl-aħħar tal-messaġġ tagħhom, il-produzzjoni esprimiet il-gratitudni tagħha lejn il-pubbliku għall-appoġġ kontinwu.

"Grazzi talli segwejtu l-ewwel staġun... GRAZZI!" temm jgħid it-tim, filwaqt li wiegħed aktar episodji u stejjer ġodda fis-snin li ġejjin.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

TV

“Grazzi Lit-Tim Kollu Ta’ Moħħok Hemm Tax-Xogħol U Dedikazzjoni Tagħhom” – Ringrazzjament Wara Skeda Oħra Ta’ Suċċess

Kyle Zarb Ilbieraħ

Il-programm popolari Moħħok Hemm, li xxandar fuq TVM, kompla joffri divertiment, sfidi u mumenti memorabbli lill-udjenzi Maltin tul l-aħħar staġun. Il-format tiegħu, li jgħaqqad kompetizzjoni u divertiment, laqgħat telespettaturi ta’ kull età.Fi tmiem l-istaġun, it-tim ta’ Moħħok Hemm qasam messaġġ ta’ ringrazzjament fuq il-midja soċjali, fejn esprima l-apprezzament tiegħu.Din is-sejħa għall-applikazzjonijiet tagħti opportunità lil persuni […]