KWIR, l-ewwel serje LGBTIQ bil-Malti, ixxandret għall-ewwel darba f’Jannar li għadda u mill-ewwel ġibdet l-attenzjoni ta’ ħafna.
Il-produzzjoni, magħrufa għas-sinċerità tagħha, iddiskutiet temi soċjali u personali b’mod kuraġġuż u mingħajr filtri, u tat vuċi ġdida lill-komunità.
L-ewwel staġun intemm u ħalla impatt qawwi fuq l-ispettaturi – tant li ħafna bdew jitolbu t-tieni staġun. Iżda għad-diżappunt ta’ ħafna, il-produttur Brandon Terribile kkonferma li KWIR mhux se jkollha staġun ieħor.
Kienet dikjarazzjoni ċara… iżda kollox inbidel b’mossa waħda mhux mistennija. F’dawn l-aħħar jiem, il-paġni uffiċjali ta’ KWIR ippubblikaw poster ġdid u data misterjuża: 19/09/25.
Ebda spjegazzjoni. Ebda dettalji. U bla dubju, ħafna bdew jistaqsu x’għandu jkun dan. Qegħdin nistennew xi film? Episodju speċjali? Jew forsi xi proġett ġdid totalment?
Wieħed jista’ biss jispekula… imma ħaġa hi ċerta – KWIR għadu ma spiċċax, u issa, nistennew id-19 ta’ Settembru 2025
