Ixxerja

Minn Tropical Tang għal Kiwi u Orange, Breakers kienet waħda mix-xarbiet popolari fl-imgħoddi.

Għal ħafna Maltin li kibru fis-snin disgħin u fil-bidu tas-snin elfejn, l-isem Breakers iġib miegħu sens qawwi ta’ nostalġija. Kienet waħda mix-xarbiet li kont tara fil-canteens tal-iskola, fil-kiosks u fil-ħwienet lokali u kienet faċli tagħrafha mill-flixkun ikkulurit u d-disinn tiegħu li jattirak.

Waħda mit-togħmiet li ħafna jiftakru hija dik ta’ Tropical Tang, li kellha taħlita ħelwa u tropikali: differenti minn ħafna soft drinks oħra ta’ dak iż-żmien. Flimkien miegħu kien hemm ukoll togħmiet oħra, li kienu popolari immens fost it-tfal u ż-żgħażagħ.

Għalkemm illum m’għadux parti mill-ħajja ta’ kuljum bħal dari, Breakers għadu jissemma’ ta’ spiss meta n-nies jitkellmu fuq prodotti li jfakkruhom fit-tfulija. Għal ħafna nies, kien aktar minn sempliċi xarba:  kien parti minn memorji tal-skola, logħob mal-ħbieb u żminijiet aktar sempliċi.

U jekk inti lħaqtu u familjari miegħu sew, liema togħma ta’ ‘Breakers’ kont tfittex l-ewwel?

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

 Ġie Onorat Wara Li Arresta Raġel Suspettat B’Serq Mill-Knisja Taż-Żurrieq – The Malta Police Force

Eileen Cumbo Salerno Illum

L-Ispettur Alfredo Mangion ġie onorat bil-‘Ġieħ taż-Żurrieq’ mill-Kunsill Lokali taż-Żurrieq bħala rikonoxximent għall-intervent immedjat tiegħu f’każ ta’ serq mill-knisja tal-lokalità, minkejja li dak il-ħin ma kienx qed jaqdi dmirijietu. Skont messaġġ ippubblikat mill-Malta Police Force, l-Ispettur Mangion kien barra l-ħin tax-xogħol meta ġie infurmat li numru ta’ oġġetti kienu nsterqu minn ġewwa l-knisja taż-Żurrieq. Minkejja […]