Ixxerja

Illum hija ġurnata speċjali għal Dorian Giordano, hekk kif qed jiċċelebra għeluq sninu! Għal din l-okkażjoni, oħtu Priscilla Giordano Psaila għażlet li twassallu messaġġ mill-isbaħ permezz tal-mezzi soċjali. Priscilla qasmet ritratt tagħhom flimkien, akkumpanjat minn kliem mimli mħabba u apprezzament lejn ħuha, li fih fissret kemm Dorian għandu post speċjali f’qalbha.

"Illum niċċelebraw lilek u lill-persuna mill-isbaħ li int. Nawguralek ġurnata mimlija kuntentizza, imħabba u dak kollu sabiħ li jistħoqqlok," kitbet Priscilla fil-messaġġ tagħha. Madankollu, kienu l-aħħar kelmiet tagħha li spikkaw l-aktar, hekk kif iddeskriviet lil Dorian bħala l-eroj tagħha.

"Dejjem ħija, għal dejjem l-eroj tiegħi," temmet Priscilla, kliem sempliċi iżda mimli tifsira li juri r-rabta speċjali bejn iż-żewġ aħwa. Messaġġ tassew sabiħ li jfakkarna kemm ir-rabta bejn l-aħwa hija waħda prezzjuża u kemm ġesti żgħar ta’ mħabba jistgħu jfissru ħafna.

Aħna mit-tim ta’ Gwida.mt ningħaqdu ma’ Priscilla biex nawguraw lil Dorian l-isbaħ xewqat f’għeluq sninu. Nawgurawlu sena mimlija saħħa, kuntentizza u mumenti sbieħ mal-għeżież tiegħu.

Awguri mill-qalb, Dorian!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Residenza Ġdida F’Birkirkara Se Toffri Appoġġ Lil Żgħażagħ Bi Sfidi Ta’ Saħħa Mentali

Emil Calleja Bayliss Illum

Żgħażagħ ta’ bejn it-13 u s-17-il sena li għaddejjin minn sfidi ta’ saħħa mentali se jkunu jistgħu jibbenefikaw minn residenza ġdida f’Birkirkara, li se toffrilhom ambjent sigur u l-appoġġ meħtieġ. Dan se jkun possibbli permezz ta’ ftehim bejn l-Awtorità tad-Djar, is-Servizzi Nazzjonali tas-Saħħa Mentali u l-Fondazzjoni Richmond. Ir-residenza, li hija maisonette bi tliet kmamar tas-sodda, […]