Emily Yasmine Debono Lesta Sabiex Taqsam Il-Passjoni Tagħha Mal-Pubbliku – Howard Keith Debono

Għal dawk li ilhom jafuha, il-passjoni ta’ Emily Yasmine għall-mużika mhix xi ħaġa ġdida. Tul dawn l-aħħar snin, hija kompliet tersaq dejjem aktar lejn din id-dinja, u issa wasal mument li għalih ilha taħdem u tistenna b’ħerqa kbira.

Howard Keith Debono, produttur tal-mużika magħruf u li serva wkoll bħala ġurija fi programmi bħal The Voice, The Voice Kids u Malta’s Got Talent, qasam l-aħbar li Emily ilha tagħti kontribut fil-qasam tal-mużika, fosthom permezz ta’ Jagged House Music Company u attivitajiet oħra relatati ma’ Earth Garden.

Matul l-aħħar sena, Emily kienet ukoll qed tikteb diversi kanzunetti, u issa erbgħa minnhom se jkunu parti mill-ewwel ħarġa mużikali tagħha. Għaliha, dan huwa pass li ilu jinħema bil-mod, iżda li finalment wasal biex isir realtà. Fi kliemha stess li qasmet, spjegat kif il-proġett tad-debutt tagħha huwa xi ħaġa li poġġiet fiha qalbha u ruħha kollha, u dalwaqt se tkun qed taqsamha ma’ dawk kollha li jsegwuha.

Nawgurawlek mill-qalb għal dan il-bidu ta’ vjaġġ sabiħ li għad għandu ħafna x’joffri!

Ritratt:

Facebook/Howard Keith Debono

Ixxerja

STEJJER OĦRA

AQRA IKTAR

PARTNERS UFFIĊJALI