Ixxerja

Il-preżentatriċi Joanna Camilleri esprimiet il-kburija tagħha għas-suċċessi miksuba mill-istudenti tagħha fil-basketball, hekk kif kitbet fuq il-midja soċjali: "Dejjem kburija bl-istudenti tiegħi. Emmnu u irnexxu."

Dan wara wirjiet impressjonanti mit-timijiet nazzjonali Maltin ta' taħt it-18-il sena fil-Kampjonati Ewropej tal-FIBA Division C, li saru fl-Albanija u fil-Kosovo.

It-tim nazzjonali tan-nisa ta' taħt it-18-il sena rebaħ il-midalja tad-deheb, b'menzjoni speċjali għall-istudenti tal-Year 11 tal-NSS Basketball, Samira Deguara, Eve Axisa, Lara Micallef, Kirstie Sammut u Adria Xuereb, li kisbu t-tieni midalja tad-deheb tagħhom dan is-sajf.

It-tim tal-irġiel temm il-kompetizzjoni fir-raba' post, filwaqt li l-eks student tal-NSS Kai Fabri ġie magħżul fl-All Star 5, flimkien mal-parteċipazzjoni tal-eks studenti Kyle Galea u Zac Said Hollier.

Dan hu messaġġ li jgħodd għal kull min qed jaħdem u jirsisti għal xi passjoni jew talent.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Logħba Boċċi Fil-Birgu Spiċċat Bix-Tixrid Tad-Demm” – Avveniment Xejn Sabiħ Lura 300 Sena Ilu

Kyle Zarb Illum

Dokument storiku ppreservat mill-Arkivji Nazzjonali ta’ Malta jagħti ħarsa interessanti lejn episodju li seħħ fil-Birgu aktar minn tliet sekli ilu, fejn logħba boċċi li kellha tkun divertiment spiċċat f’atti ta’ vjolenza.Skont ir-rekords, fid-9 ta’ Lulju 1712, Rocco di Franciscus Mugnaini kien qed jilgħab il-boċċi ma’ żewġ baħrin, Josephus u Johannes Baptista, abbord il-bastiment San Giuseppe. […]