“Ommi s-sabiħa nqatlet waqt li kienet rieqda minn raġel li suppost kien iħobbha u jipproteġiha,” kitbet hi fl-anniversarju tal-mewt tagħha. Kliem sempliċi, iżda mimli uġigħ li diffiċli biex tfisser. Ommha kellha biss 49 sena. Età li għandha tfisser bidu ta’ kapitli ġodda, mhux tmiem brutali.
Hemm krudeltà partikolari meta l-vjolenza domestika tispiċċa f’qtil. Ma jittieħedx biss l-aħħar nifs, iżda snin sħaħ ta’ ħajja. Georgina tgħid li tħossha misruqa, misruqa mill-vuċi ta’ ommha, mis-snin li kellha quddiemha, mill-preżenza tagħha, mill-istorja li ntemmet qabel il-waqt. Hija sensazzjoni li ma tistax tispjegaha, iżda li tgħixha kuljum.
Meta mara tinqatel f’darha stess, minn min suppost kien jipproteġiha, il-fiduċja tinqered kompletament. Id-dar li għandha tkun kenn issir xena ta’ traġedja u l-familja tibqa’ ġġorr il-piż għal għomorha kollu.
“Se nqatta’ l-kumplament ta’ ħajti nħobbha fil-passat meta kellha tibqa’ parti mill-preżent tiegħi,” kitbet Georgina. F’din il-frażi hemm il-veru tbatija. Il-mumenti li kellhom jgħaddu flimkien, il-pariri li kellha tagħtiha, it-tifkiriet li kellhom joħolqu, kollox waqaf f’daqqa.
Wara kull statistika dwar il-vjolenza domestika hemm bint jew iben, familja mfarrka. Hemm siġġu vojt fuq il-mejda u anniversarju mmarkat b’qalb sewda. Il-messaġġ ta’ Georgina huwa ċar u qawwi. Irridu nwaqqfu l-vjolenza domestika. Mhux biss bil-kliem, iżda bl-azzjoni.
Ommha kellha tkun għadha hawn, għadha tidħaq, tgħix u tagħżel kapitli ġodda. U sakemm stejjer bħal tagħha jibqgħu jirrepetu ruħhom, ifisser li għad fadlilna ħafna x’nagħmlu.
Facebook / Geor G Ina
