Ixxerja

Fl-Istati Uniti, is-sindku tal-belt ta' New York Zohran Mamdani għadu kif laħaq ftehim sabiex mill-2028 isir illegali li wieħed jopera l-karrozzini taż-żwiemel. Ġie spjegat kif dan se jkun qed iseħħ minħabba tħassib dwar is-sigurtà tal-annimali.

Matul dawn l-aħħar 16-il sena, sindki differenti li ħadu f'idejhom it-tmun ta' din il-belt Amerikana ipprovaw idaħħlu fis-seħħ projbizzjoni ta' din ix-xorta, iżda ma rnexxilhomx minħabba reżistenza li sabu mill-unjins tat-trasport li kemm-il darba fissru t-tħassib tagħhom dwar l-impjiegi li se jintilfu.

Min-naħa 'l oħra, din id-deċiżjoni li għadha kif tħabbret żgur li se tkun qiegħda tara t-tifħir ta' diversi attivisti u għaqdiet li jiġġieldu favur id-drittijiet tal-annimali li ilhom għal dawn l-aħħar snin jopponu l-industrija tal-karrozzini taż-żwiemel fi New York.

Intom x'taħsbu dwar din il-liġi?

Sors: Politico

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Jissuġġerixxu Li Ssir Tifkira Ta’ Ċikku L-Markiż Fil-Parkeġġ Ta’ Wied Iż-Żurrieq – Taqblu?

Cristian Tonna Illum

Ftit jiem ilu ħarġet l-aħbar li fl-età ta’ 71 sena ħalla din id-dinja Ċikku l-Markiż. Hu kien sar magħruf ma’ bosta Maltin li xi darba f’ħajjithom iffrekwentaw il-parkeġġ ta’ Wied iż-Żurrieq, u hemmhekk kellhom l-opportunità li jiltaqgħu mal-karattru ċajtier u simpatiku tiegħu.L-aħbar ta’ mewtu ħalliet lil eluf ta’ Maltin imnikkta tant li fis-sigħat riċenti, persuna […]