Ixxerja

Messaġġ mill-isbaħ mimli mħabba u gratitudni kien dak li qasmet Maria Formosa fuq il-mezzi soċjali fl-okkażjoni ta’ għeluq snin in-nanna tagħha. Permezz ta’ kitba qasira iżda tassew sinċiera, Maria esprimiet kemm in-nanna tagħha għandha post speċjali f’qalbha, filwaqt li fakkret kif l-imħabba tagħha tinħass anke fl-iċken affarijiet tal-ħajja ta’ kuljum.

"Happy Birthday Nannina tiegħi. Inħobbok immens," bdiet billi kitbet Maria. Hija kompliet b’dedikazzjoni li żgur ħafna jistgħu jirrelataw magħha, hekk kif tkellmet dwar dawk il-ġesti sempliċi li jagħmlu l-imħabba tan-nanniet tant speċjali. "L-imħabba tiegħek tinħass f’kull borma li ssajjar għalina, f’kull ġest, f’kull kelma, f’kull ħarsa. Grazzi Nannina tiegħi xxx."

Kliem li jfakkarna li l-imħabba mhux dejjem teħtieġ ġesti kbar biex tinħass, iżda ħafna drabi tinsab proprju f’dawk l-affarijiet żgħar li jsiru b’tant dedikazzjoni u mħabba. Messaġġ tassew ħelu li juri r-rabta sabiħa bejn Maria u n-nanna tagħha, u l-apprezzament lejn dak kollu li tagħmel għall-familja.

Minn naħa tagħna, ningħaqdu ma’ Maria biex nawguraw lin-nanna tagħha l-isbaħ xewqat f’għeluq sninha!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Il-Fjuri Qarrieqa” – Ktieb Ġdid Bil-Malti Li Jgħallem Lit-Tfal Biex Iħobbu U Jipproteġu N-Natura

Matthea Grech Illum

Il-Fondazzjoni għall-Konservazzjoni tan-Naħla Maltija ħabbret it-tlestija ta’ “Il-Fjuri Qarrieqa”, l-ewwel ktieb f’sensiela ġdida ta’ stejjer dwar Katerina fl-Abitati Maltin, li permezz tagħha t-tfal se jkunu jistgħu jiskopru aħjar in-natura ta’ madwarna u l-importanza li nipproteġuha.L-istorja, miktuba mill-awturi Clare Azzopardi u Leanne Ellul u illustrata minn Samuel Casha, hija maħsuba għat-tfal tal-iskola primarja u tgħaqqad l-avventura […]