Ixxerja

Il-Ministru għall-Akkomodazzjoni u l-Artijiet Owen Bonnici ħabbar li binja pubblika fil-Belt Valletta, li hija amministrata mill-Awtorità tal-Artijiet u li ħafna Maltin jiftakruha bħala post fejn kienu jagħmlu l-eżamijiet, se tingħata lill-Akkademja Nazzjonali għall-Arti Performattiva (NAPA).

Permezz ta’ messaġġ fuq il-midja soċjali, Bonnici qal li dak li għal ħafna snin kien biss ħolma għall-artisti tal-arti performattiva issa se jsir realtà permezz ta’ dan il-proġett. "Din hi binja pubblika amministrata mill-Awtorità tal-Artijiet. Issa l-ħolma tal-artisti tal-arti performattiva saret il-proġett tagħna hekk kif din il-binja ngħatat lin-NAPA," kiteb il-Ministru.

Huwa spjega li l-għan hu li fil-Belt Valletta tinħoloq dar dedikata għall-kreattivi tal-arti performattiva, spazju li se jkompli jsaħħaħ is-settur kulturali u artistiku f’Malta. Bonnici temm jgħid li l-Gvern se jkompli juża l-proprjetà pubblika fl-aħjar interess tal-poplu Malti u Għawdxi, filwaqt li sostna li proġetti bħal dan joffru opportunitajiet ġodda għall-artisti u għall-iżvilupp tal-arti performattiva f’pajjiżna.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Inħobbukom It-Tnejn Bla Qies Ma U Pa” – Romina Frendo F’Jum Is-Sittin Anniversarju Tal-Ġenituri Tagħha

Gabriella Borg Ilbieraħ

F’kelmtejn ta’ mħabba u apprezzament, Romina Frendo awgurat lill-għeżież ġenituri tagħha f’jum is-sittin anniversarju tagħhom.Hi kitbitlhom, “Kliem ġej mill-qalb fl-erbgħin anniversasrju tagħkom jinħass b’iktar qawwa fis-sittin anniversarju tat-tieġ tagħkom fl-għaxra ta’ Lulju 2026. Inħobbukom it-tnejn bla qies ma u pa. L-imħabba tagħkom irnexxielha tgħix matul kull tip ta’ temp, f’kull staġun, minkejja l-agħar mard, minkejja […]