Ixxerja

Fost dawk li dalgħodu bakkru sabiex jieħdu sehem fil-Maratona ta’ Malta kien hemm Fr Oliver Borg Olivier li minkejja l-età tiegħu ta’ 83 sena, xorta waħda rnexxielu jtemm b’suċċess din il-maratona.

Hu kien fost erba’ patrijiet Ġiżwiti li daħlu għal din l-isfida bil-għan li jiġbru l-fondi għall-għaqda Jesuit Refugee Service Malta; għaqda li b’mod regolari tgħin persuni li jkunu qiegħdin ifittxu l-ażil.

F’filmat li ttella’ fuq il-midja soċjali u li ġie meħud proprju ftit sekondi qabel ma Fr Oliver temm il-maratona, hu jidher qed jiġi milqugħ biċ-ċapċip u l-ferħ tal-folla li nġemgħet f’dawk il-ħinijiet.

Il-preżentatur Xandru Grech li kien fost dawk li laqa’ lil dawk li temmew b’suċċess din il-maratona, faħħar lil Fr Oliver għad-determinazzjoni tiegħu. Fi kliemu sostna li “filwaqt li bosta żgħażagħ dalgħodu baqgħu reqdin, Fr Oliver ta’ 83 sena ħa sehem f’din il-maratona”.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Artikli Ricenti

“Is-Sitt Darba Tiegħi Host Tal-Akbar U L-Unika Fiera Tas-Sbuħija F’Malta” – Danita Ta’ One Chick And A Yorkie

Bernard Xuereb Illum

Danita ta’ One Chick And A Yorkie kienet host waqt il-fiera tas-sbuħija f’Malta u tkellmet dwar kemm din tfisser għaliha f’post fuq Facebook. “Is-sitt darba tiegħi host tal-akbar u l-unika fiera tas-sbuħija f’Malta,” hi kitbet. “Minn meta kont żgħira kont inħobb nindilek, kont inħobb nilbes u dejjem nara x’ħa nivvinta biex nieqafx inparla.” “Fejn qatt […]