Xi wħud jirtu l-imnieħer ta’ missierhom, oħrajn l-għajnejn ta’ ommhom... imbagħad hemm xi wħud li kważi kważi huma kopja identika tal-ġenituri tagħhom! Dawk li qed taraw fir-ritratti hawn fuq jifformaw 3 ġenerazzjonijiet differenti tal-istess familja – qed tagħraf min huma?
Dawn it-3 ritratti dehru llum fuq il-profil ta’ Instagram ta’ Ira Losco, u m’hemmx bżonn ngħidulkom aħna kemm hu evidenti x-xebh bejniethom! Il-persuna tan-nofs hija Ira stess meta kienet tifla, filwaqt fuq ix-xellug hemm ritratt ta’ missierha f’żgħoritu u fuq il-lemin ritratt ta’ binha Harry. U mhux min-nokkli biss: kieku ma kienx hemm l-ismijiet ma’ kull ritratt, probabbli lanqas inkunu nistgħu nagħrfu min hu min!
X’taħsbu intom – stajtu tintebħu min hu min kieku m’għednilkomx aħna?
Instagram / @iralosco
