Ixxerja

Fuq il-paġna ‘Malta, News, Photos, and People’ jikteb Oliver isellem il-memorja ta’ Maria Smith.

Hu kiteb, “Ilbieraħ filgħaxija sirt naf illi, sfortunatament, għaddiet għall-ħajja ta’ dejjem, Maria Smith, jew kif inhija magħrufa fost il-komunità Balzanija, “Marija tal-Qtates”. Lil Maria dejjem sibtha punt ta’ riferiment mill-iżjed affidabbli f’dak kollu li jirrigwarda l-għalf tal-qtates ġewwa l-lokal. Ukoll, ma ninsiex is-sens ta’ akkoljenza tagħha kull meta ħabbatt fuq il-bieb ta’ darha. Ninsab ċert li issa, Maria se tirċievi l-premju etern ta’ kemm serviet ta’ forċina għal dawk il-ħlejqiet illi m’għandhomx vuċi. L-aħħar tislima lil oħtna Maria Smith se tingħata nhar it-Tnejn 23 ta’ Frar fit-8:30 ta’ filgħodu ġewwa l-Knisja Parrokkjali ta’ Marija Annunzjata, Ħal Balzan. Requiescat in pace.”

Il-qalb tad-deheb tagħha ma tintesa qatt. Tistrieħ fis-sliem u l-paċi. It-tbissima fuq fommha f’dan ir-ritratt tixhed il-ferħ li kienet tagħtiha l-għajnuna li tagħti minn qalbha lil dawk il-qtates.

Ixxerja

Miktub Minn

Gabriella Borg

Studenta tal-liġi, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Issa

Tbassir Li L-Gżejjer Maltin Jistgħu Jintlaqtu Minn Xita u Maltemp Llum

Kyle Zarb Illum

L-Uffiċċju Meteoroloġiku ħabbar li llum il-gżejjer Maltin jistgħu jintlaqtu minn temp maltemp minkejja li qrobna sew lejn il-bidu tas-sajf. Skont l-aħħar tbassir, matul il-jum huma mistennija ħalbiet tax-xita li jistgħu anke jiżviluppaw f’ragħad u maltempati iżolati. It-temperaturi mistennija jilħqu l-24°C, filwaqt li r-riħ mistenni jdur bejn Forza 3 u 4 minn direzzjoni bejn ix-Xlokk u […]