Il-kantanta Karin Duff għadha kif ħarġet kanzunetta ġdida emozzjonanti bl-isem “Rio”, dedikata lil ħabiba tagħha, Lauro Rio, li mietet is-sena li għaddiet.
F’post profond fuq il-midja soċjali, Karin qasmet kemm din il-kanzunetta tfisser għaliha, “Għall-ħabiba li qatt ma nieqaf inħoss in-nuqqas tagħha.” Fl-istess post, Karin inkludiet ukoll silta mill-lirika tal-kanzunetta, fejn tikxef kemm kien diffiċli għaliha biex tasal biex tirrekordja dan il-proġett. Hija tispjega li damet xhur tipprova ssib il-kuraġġ biex tersaq lejn il-mikrofonu, u li kien hemm ġranet fejn daħlet fl-istudjo iżda ma setgħetx tkompli.
Il-kliem tal-kanzunetta juri vjaġġ ta’ uġigħ iżda wkoll ta’ fejqan, hekk kif Karin tirrealizza li mhix waħedha fit-telfa tagħha, u li din il-mużika tista’ tkun mezz ta’ serħan mhux biss għaliha, iżda wkoll għal oħrajn li għaddew minn esperjenzi simili.
“Rio” mhijiex biss kanzunetta, iżda ġieħ emozzjonali lil persuna li ħalliet impatt profond fuq ħajjitha. Permezz tagħha, Karin Duff qed taqsam parti intima mill-esperjenza tagħha, u fl-istess ħin qed toħloq spazju fejn oħrajn jistgħu jħossuhom mifhuma.
Dan ir-rilaxx diġà qed jolqot lil ħafna, b’segwaċi jesprimu kemm il-kanzunetta hija sinċiera u relatabbli, tifkira sabiħa ta’ kif il-mużika tista’ tgħin fil-fejqan u żżomm il-memorji ħajjin.
Instagram / Karin Duff
