Ixxerja

Il-Membru Parlamentari Robert Cutajar ħabbar li proposta li ressaq sabiex ġnien fiż-żona tal-Għoljiet tal-Mellieħa jissemma għall-mibki eks Superjur tal-Mużew Fredu Borg jidher li ntlaqgħet b’mod pożittiv.

Fuq il-midja soċjali, Cutajar spjega kif f’Marzu li għadda kien tkellem mal-Ministru Miriam Dalli u bagħat ukoll korrispondenza lis-Sindku tal-Mellieħa Gabriel Micallef biex iressaq formalment din it-talba f’isem il-komunità Mellieħija.

Hu qal li fl-aħħar sigħat ġie infurmat li kemm il-Kunsill Lokali tal-Mellieħa kif ukoll Project Green qablu mal-proposta sabiex il-ġnien jingħata l-isem ta’ Fredu Borg.

Robert Cutajar fakkar ukoll kif Fredu Borg kien ingħata l-Ġieħ il-Mellieħa lura fl-2002, fi żmien meta hu kien jokkupa l-kariga ta’ Viċi Sindku flimkien mas-Sindku ta’ dak iż-żmien Joe Borg.

Id-deputat sostna li jinsab kuntent li issa, wara mewtu, Fredu Borg se jibqa’ mfakkar ukoll permezz ta’ ġnien viċin is-sede tas-Soċjetà tal-Mużew, proġett li, skontu, kien ħolom bih u beda minn Fredu Borg innifsu.

Fi tmiem il-messaġġ tiegħu, Robert Cutajar irringrazzja lil dawk kollha li taw widen għal din it-talba li ressaq f’isem il-komunità tal-Mellieħa.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Niċċelebra Mhux Biss L-Imħabba Ta’ Ħajti, Imma Wkoll L-Omm Mill-Isbaħ Li Sirt Għall-Għażiż Kris Tagħna.” – Kersten Borg

Emil Calleja Bayliss Illum

Kersten Borg qasam messaġġ mimli mħabba u emozzjoni fl-okkażjoni ta’ għeluq snin martu, fejn sellem mhux biss lis-sieħba ta’ ħajtu iżda wkoll lill-omm ta’ ibnu, Kris. Fuq il-midja soċjali, Kersten kiteb: “Illum niċċelebra mhux biss l-imħabba ta’ ħajti, imma wkoll l-omm mill-isbaħ li sirt għall-għażiż Kris tagħna.” Huwa qal ukoll li minn meta martu saret […]