Ixxerja

llum huwa jum ta’ tifkira għall-familja tal-mibki kantant Sammy Bartolo, hekk kif bintu Charlotte Bartolo fakkret lil missierha f’għeluq sninu b’messaġġ qasir iżda mimli emozzjoni.

"Happy birthday fis-smewwiet, missier. Ħallejtilna tant memorji sbieħ, iżda fuq kollox ħallejtilna leħnek – parti minnek li għadha tgħix fina lkoll," kitbet Charlotte f’dedikazzjoni lil missierha. Sammy Bartolo jibqa’ isem għażiż fix-xena mużikali Maltija, b’vuċi li tatna diversi kanzunetti klassiċi li għadhom imfakkra u mismugħa sal-lum. Permezz tal-mużika tiegħu, il-memorja tiegħu tibqa’ ħajja mhux biss fost il-familjari u dawk li kienu jafuh mill-qrib, iżda wkoll fost dawk li kibru jisimgħu l-kanzunetti tiegħu.

Il-kliem ta’ Charlotte jiġbor proprju dan is-sentiment, li filwaqt li l-assenza ta’ missierha tibqa’ tinħass, il-vuċi tiegħu hija wirt li ma jintilifx u li se jibqa’ jfakkar lil tant nies fit-talent tiegħu. F’dan il-jum, ningħaqdu ma’ Charlotte u l-familja tagħha biex infakkru lil Sammy Bartolo u l-mużika sabiħa li ħallielna.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Daħal Fi Ħdan Il-Missier” – Tħabbret Il-Mewt Ta’ Patri Leonard Falzon OFMCap Mill-Kapuċċini

Emil Calleja Bayliss Illum

Il-Kapuċċini ħabbru b’diqa l-mewt ta’ Patri Leonard Falzon OFMCap, hekk kif sellmu l-memorja tiegħu permezz ta’ messaġġ fuq il-mezzi soċjali. “B’dispjaċir ħuna Patri Leonard Falzon OFMCap daħal fi ħdan il-Missier,” kitbu l-Kapuċċini fit-tħabbira tagħhom. Huma appellaw ukoll għat-talb għal Patri Leonard sabiex il-Mulej jilqgħu fi ħdanu. “Nitolbu għal dan ħuna, biex il-Mulej jilqgħu fi ħdanu,” […]