Kull min għandu tarbija jew jadotta tifel jirċievi € 100 aktar bħala parti minn miżura baġitarja biex tgħin ġenituri ġodda. L-għotja ta’ € 300 ġiet introdotta għall-ewwel darba fil-Baġit tal-2020, iżda issa se tiżdied għal € 400.
Il-Ministru Caruana qal li l-bonus għandu jibbenefika minnu madwar 4,000 ġenitur. Minbarra l-għotja, il-gvern se jkun qed iqassam ‘starter-packs’ ma’ prodotti sostenibbli għat-trabi lill-ġenituri li għandhom tarbija ġdida.
Qal li ħa jkun hemm iktar diskussjonijiet fil-livell tal-MCESD sabiex il-pajjiż ikun f’pożizzjoni li jimplimenta direttiva tal-Unjoni Ewropea dwar il-leave tal-ġenituri u l-bilanċ bejn ix-xogħol u l-ħajja privata.
Id-direttiva tal-UE tinkludi l-estensjoni tal-leave għall-missirijiet ġodda għal 10 ijiem u tintroduċi xahrejn leave imħallas għal kull ġenitur li jista’ jintuża sakemm it-tifel ikollu tmien snin.
