Ixxerja

Is-Sindku tal-Belt Valletta, Olaf McKay, esprima d-diżappunt tiegħu dwar il-mod kif xi negozji qed jarmu l-iskart kummerċjali, minkejja l-isforzi kontinwi li qed isiru biex il-Belt tinżamm nadifa.

F’messaġġ fuq il-midja soċjali, McKay qal li qabel jitkellem pubblikament dejjem jipprova jiddjaloga, iżda sostna li meta t-tentattivi ma jwasslu mkien, il-messaġġ irid jasal. Huwa spjega li kull lejl isir tindif estensiv bil-powerwash u magni speċjalizzati, iżda xorta waħda qed ikun hemm min joħroġ boroż tal-iskart miftuħin, b’likwidu u żejt jixtered fit-toroq.

Is-sindku qal li dawk li qed jabbużaw qed jiġu rrappurtati minnufih, filwaqt li rringrazzja lis-sidien tal-ħwienet li jimxu mar-regolamenti. Fakkar ukoll li l-iskart kummerċjali għandu jinġabar minn private collector, jinħareġ wara s-1:00am u jitqiegħed f’bin on wheels. Temm jappella għal aktar kollaborazzjoni biex il-Belt Valletta tibqa’ nadifa.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Issa

“Dawk Il-Mumenti Ta’ Daħk, Innoċenza U Ħbiberija Dejjem Se Jkollhom Post Speċjali F’Qalbi.” – Lori Grima B’Messaġġ Lil…

Matthea Grech Illum

Il-komunità ta’ Wied il-Għajn tinsab imnikkta bit-telfa ta’ Jeanette Cardona, li ħallietna matul il-lejl li għadda. Jeanette kienet persuna attiva ħafna fil-Parroċċa Sant’Anna, fejn għal diversi snin tat is-servizz tagħha lill-Grupp tal-Abbatini, billi kienet tgħin lid-Direttur u lill-abbatini fl-impenn tagħhom.Minbarra dan, Jeanette kienet ukoll edukattriċi fl-Iskola Primarja Sant’Anna, fejn ħalliet marka sabiħa fil-ħajja ta’ bosta […]