Ixxerja

F’intervista mal-preżentatriċi Maria La Barokka waqt il-programm Kuxjenza, Dr Aaron Zammit Apap fisser kif il-bullying jikkawża “ħsara psikoloġika kbira” u saħaq li sfortunatament fid-dinja tal-lum għadu qiegħed iseħħ b’mod regolari f’kull ambjent li tista’ timmaġina.

Dr Zammit Apap li huwa l-fundatur tal-ewwel NGO f’pajjiżna li tiġġieled proprju l-bullying, spjega kif għall-kuntrarju ta’ dak li ħafna jaħsbu, il-bullying mhuwiex iseħħ biss fost it-tfal iżda qiegħed iseħħ ukoll fost l-adulti.

Fl-intervista dak il-ħin intervjeniet ukoll Kim Tonna li fi tfulitha esperjenzat il-bullying li f’ċerti ċirkostanzi saħansitra mmanifesta ruħu fi swat fiżiku. Kim qablet mad-diskors ta’ Dr Zammit Apap u sostniet li tant hu veru li l-bullying jaffetwa l-individwu mentalment li hi stess kienet tbati minn attakki ta’ paniku.

Il-fundatur tal-NGO ‘bBrave’ kompla jitkellem dwar il-ħidma li l-għaqda twettaq sabiex tara li jitrażżan il-bullying billi mhux biss toffri l-għajnuna li l-vittma iżda wkoll lil dik il-persuna li tkun qiegħda tibbulja lil ħaddieħor.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Ikkonfermat Li L-Hantavirus Mhijux Se Jwassal Għal Pandemija Oħra Bħal Dik Tal-Covid-19

Cristian Tonna Illum

L-aħbar li abbord vapur tal-passiġġieri nxtered f’kemm trodd salib il-hantavirus ħalliet lil bosta jhewdnu jekk l-istorja hijiex se tteni ruħha u jekk allura d-dinja hux se tkun qiegħda taffaċja pandemija oħra simili għal dik tal-COVID-19. Dalgħodu, rappreżentanta tal-Għaqda Dinjija tas-Saħħa serħat ras bosta hekk kif ikkonfermat li l-hantavirus mhijux se jwassal għal pandemija oħra. Hi […]