Ixxerja

Partita intensa li ntlagħbet ilbieraħ bejn l-Arġentina u l-Eġittu qanqlet kontroversja hekk kif għadd ta' partitarji esprimew id-dubji tagħhom dwar kemm kienu ġusti ċerti deċiżjonijiet li ttieħdu mir-referee matul dan il-konfront.

Il-kontroversja ssoktat bil-kummenti tal-kowċ tat-tim nazzjonali Eġizzjan Hossam Hassan.

F'konferenza li hu ħa sehem fiha wara li waslet fi tmiemha din il-partita bi skor ta' 3-2 favur l-Arġentina, il-kowċ Eġizzjan allega li t-Tazza tad-Dinja hi manipulata favur l-Arġentina.

Evidentament emozzjonat u ddiżappuntat, hu sostna li ċerti deċiżjonijiet meħuda mir-referee matul dik il-partita ma kienux ġusti.

F'dan l-isfond, dalgħodu t-tim nazzjonali Eġizzjan ressaq ilment quddiem FIFA fejn talab sabiex isseħħ investigazzjoni fuq ir-referee Franċiż li lbieraħ mexxa l-partita Arġentina-Eġittu. Huma talbu wkoll sabiex dan ir-referee jitkeċċa għall-bqija tal-kampjonat.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Il-Plejers Ingliżi Jagħtu L-Ħlas Tagħhom Għall-Partiti Tat-Tazza Tad-Dinja Lill-Karità

Cristian Tonna Illum

Għal kull partita li jieħdu sehem fiha, il-plejers Ingliżi jitħallsu madwar €2,300. Abbażi ta’ inizjattiva li kienet bdiet lura fl-2007 u għadha għaddejja sal-lum il-ġurnata, il-plejers tat-tim nazzjonali Ingliż jagħżlu li jagħtu dan il-ħlas lill-karità.Fil-fatt, mill-2007 ‘l hawn irnexxielha tinġabar is-somma sostanzjali ta’ €15-il miljun permezz ta’ din l-inizjattiva. Din is-somma matul is-snin intużat sabiex […]