Ixxerja

Il-Kulleġġ Santu Wistin sellem lil wieħed mill-edukaturi tiegħu wara tliet deċennji ta’ servizz dedikat, hekk kif is-Sur Stephen Ferrante temm l-aħħar ġurnata ta’ lezzjonijiet tiegħu fil-kulleġġ il-ġimgħa li għaddiet.

Permezz ta’ messaġġ fuq il-midja soċjali, il-kulleġġ esprima l-apprezzament tiegħu lejn is-Sur Ferrante għas-sehem u l-kontribut li ta matul dawn it-30 sena, li matulhom għen fil-formazzjoni edukattiva u personali ta’ ġenerazzjonijiet ta’ studenti.

“Il-ġimgħa li għaddiet, kienet l-aħħar ġurnata ta’ lezzjonijiet għas-Sur Stephen Ferrante wara 30 sena ta’ servizz fil-Kulleġġ tagħna,” kiteb il-kulleġġ, filwaqt li rringrazzjah għal dak kollu li wettaq matul il-karriera tiegħu.

Il-komunità edukattiva awguratlu wkoll mistrieħ mistħoqq hekk kif issa se jibda kapitlu ġdid f’ħajtu wara snin twal ta’ dedikazzjoni lejn l-edukazzjoni. Minn naħa tagħna, ningħaqdu fil-gratitudni lejn is-Sur Stephen Ferrante u nawgurawlu kull ġid għal din il-fażi ġdida tal-ħajja tiegħu.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Kulħadd Iġorr Piż” – Riflessjoni Ta’ Ivan Grech Tiġbed L-Attenzjoni Ta’ Bosta

Emil Calleja Bayliss Illum

F’dinja fejn ħafna drabi niġġudikaw minn dak li naraw jew nisimgħu, il-kantant Malti Ivan Grech qasam messaġġ qawwi ta’ riflessjoni u empatija mas-segwaċi tiegħu fuq il-midja soċjali. Fil-kitba tiegħu, Grech fakkar li dak li naħsbu li nafu dwar persuna mhux dejjem jirrifletti r-realtà tagħha. Huwa spjega kif ħafna drabi l-apparenza tista’ tkun qarrieqa, filwaqt li […]