Il-Ministru Joe Etienne Abela qasam messaġġ ta’ awgurju speċjali fuq il-midja soċjali hekk kif is-Sinjura Grace Gatt se tkun qed tiċċelebra tragward rari u straordinarju, il-110 anniversarju minn twelidha.
Fil-messaġġ tiegħu, il-Ministru esprima x-xewqa tiegħu li jawgura lis-Sinjura Gatt f’din l-okkażjoni unika, li tagħmilha waħda mill-aktar persuni anzjani f’pajjiżna. Dan it-tragward huwa xhieda mhux biss ta’ ħajja twila, iżda wkoll ta’ storja mimlija esperjenzi li għaddiet minn ġenerazzjoni għal oħra.
Ċelebrazzjonijiet bħal dawn ifakkru l-valur tal-anzjani fis-soċjetà tagħna u l-importanza li nagħrfu u napprezzaw il-kontribut tagħhom tul is-snin. Is-snin ta’ ħajja tas-Sinjura Grace Gatt jirrappreżentaw kapitlu ħaj mill-istorja Maltija, mimli bidliet soċjali, kulturali u politiċi li ffurmaw lil pajjiżna kif nafuh illum.
Il-messaġġ tal-Ministru ġie milqugħ b’reazzjonijiet pożittivi, b’ħafna awguri u kliem ta’ rispett lejn is-Sinjura Gatt, li għal ħafna saret simbolu ta’ reżiljenza, għerf u memorja kollettiva.
Facebook / Jo Etienne Abela
