Ftit sigħat ilu l-Papa Ljun XIV esprima l-kundanna ħarxa tiegħu lejn il-piena tal-mewt, hekk kif iddeskriviha bħala "attakk fuq id-dinjità tal-persuna". Hu saħaq li pajjiż m'għandux għalfejn jirrikorri għal sentenza ta' din ix-xorta sabiex jipproteġi lis-soċjetà u jiżgura li sseħħ ġustizzja.
Il-Papa spjega fi kliemu li "llum jeżistu mezzi effettivi ta' arrest li jipproteġu liċ-ċittadini filwaqt li ma jċaħdux lill-ħatja mill-possibbiltà li jifdu lilhom infushom".
Il-Mexxej tal-Knisja Kattolika tenna dan il-kliem fuq il-midja soċjali fl-isfond tal-aħbar li art twelidu, l-Istati Uniti tal-Amerka, se tkun qiegħda xxandar b'mod dirett għall-pubbliku l-eżekuzzjoni ta' psikjatra li kien jaħdem mal-armata Amerikana u lura fl-2008 fetaħ in-nar f'bażi militari b'konsegwenza li ħasad il-ħajja ta' 12-il suldat u persuna oħra li nzertat kienet qiegħda hemmhekk.
The death penalty is inadmissible because it is an attack on the inviolability and dignity of the person. The common good can be safeguarded and the requirements of justice can be met without recourse to capital punishment: effective systems of detention have been developed that protect citizens while at the same time do not completely deprive those who are guilty of the possibility of redemption. #NoDeathPenalty
— Pope Leo XIV (@Pontifex) October 10, 2026
B'dan il-kliem, il-Papa Ljun XIV qed jindika li se jkun qed jimxi fuq il-passi tal-predeċessur tiegħu fejn jidħol is-suġġett tant kontroversjali tal-piena tal-mewt.
Dan hekk kif fis-snin li serva bħala Kap tal-Vatikan, il-Papa Franġisku wkoll kemm-il darba kkundanna l-piena kapitali, u fl-2018 kien saħansitra aġġorna t-tagħlim tal-Knisja Kattolika sabiex din il-piena tkun inaċċettabli f'kull ċirkostanza, billi qabel kienet tollerata f'ċerti ċirkostanzi estremi.
Intom x'taħsbu dwar il-piena tal-mewt?
Instagram / @pontifex u Pexels
