Ixxerja

Nhar it-Tnejn 5 ta’ Jannar 2026, il-komunità Qormija se tkun qed tfakkar mument importanti fl-istorja tagħha hekk kif se jkun qed jiġi ċċelebrat id-90 anniversarju mit-twaqqif tal-Parroċċa ta’ San Bastjan. Okkażjoni li tfakkar snin twal ta’ fidi, tradizzjoni u ħidma kontinwa fil-qalba tal-lokalità.

Għal din iċ-ċelebrazzjoni speċjali, il-parroċċa se tilqa’ fostha lill-Kardinal Mario Grech, li se jingħata merħba uffiċjali għall-ħabta tal-5pm fil-Palazz Narbona mill-President u l-Kumitat tas-Soċjetà. Minn hemm, il-Kardinal se jkun akkumpanjat mill-Banda tas-Soċjetà, il-Kumitat Ċentrali u membri tal-Għaqdiet Bastjaniżi sal-Knisja Arċipretali.

Il-programm se jkompli bil-Pontifikal Solenni filwaqt li ċ-ċelebrazzjoni se tkun imżewqa wkoll b’sehem pirotekniku tal-Għaqda tan-Nar San Sebastjan. Jum li se jfakkar mhux biss anniversarju iżda wkoll l-għaqda u l-identità tal-komunità Bastjaniża. 

Kulħadd hu mistieden jattendi u jingħaqad mal-komunità Bastjaniża f’din iċ-ċelebrazzjoni speċjali. 💚

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Bħal-Lum 3 Snin Ilu Miet Il-Plejer Leġġendarju Tal-Futbol Pelé

Cristian Tonna Illum

Eżattament bħal-lum 3 snin ilu, fid-29 ta’ Diċembru tal-2022, id-dinja tal-futbol bkiet it-telfa tal-plejer leġġendarju Pelé wara li tilef il-ġlieda tiegħu kontra l-kanċer fl-età ta’ 82 sena. F’għajnejn ħafna Pelè huwa meqjus bħala l-aqwa plejer ta’ kull żmien. Hu kien anke ġie mlaqqam bħala r-Rè tal-futbol wara li meta kellu biss 17-il sena rnexxielu jirbaħ […]