Ixxerja

Waqt serata prestiġjuża tal-Gozo Tourism Awards 2025, Andre Refalo ġie onorat bil-Gozo Tourism Entrepreneurship Award, premju mogħti mill-Gozo Tourism Association bħala rikonoxximent għall-ħidma, l-impenn u l-viżjoni tiegħu fil-qasam tat-turiżmu u l-intraprenditorija f’Għawdex.

Dan il-premju jenfasizza l-passjoni u d-dedikazzjoni li Andre dejjem wera fix-xogħol tiegħu, kif ukoll il-kontribut tiegħu biex ikompli jsaħħaħ is-settur turistiku Għawdxi. Il-kisba tiegħu hija frott ta’ ħidma kontinwa, determinazzjoni u twemmin qawwi fil-ħolm u l-għanjiet tiegħu.

F’messaġġ mimli emozzjoni u kburija, missieru, il-Ministru għal Għawdex u l-Agrikoltura, is-Sajd u d-Drittijiet tal-Annimali Anton Refalo, esprima l-ferħ tiegħu għal din il-kisba, u qal li “tara lil ibnek jirnexxi f’dak li jemmen fih huwa sentiment li diffiċli jitfisser bil-kliem.”

Huwa awgura lil Andre biex ikompli jimxi ’l quddiem bl-istess determinazzjoni, umiltà u mħabba lejn dak li jagħmel, filwaqt li tenna kemm huma “kburin immens bih.”

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Wara Li Sawwtuh Għax Għandu L-Awtiżmu Insista Li Minflok Jintbagħtu L-Ħabs, Jagħmlu Xogħol Komunitarju Ma’ Tfal…

Gwida.mt Ilbieraħ

Minn tfulitu kellu jitgħallem jgħix bl-awtiżmu; kundizzjoni li minħabba fiha minkejja l-karattru umli u sinċier li għandu, l-attaġjament tiegħu jista’ bla ħsieb jagħti l-impressjoni żbaljata li hu arroganti. Darba fost l-oħrajn iż-żagħżugħ Amerikan Gavin Joseph li għad għandu 17-il sena sab ruħu mdawwar minn grupp ta’ żgħażagħ. Fil-bidu ħaseb li avviċinawh għaliex xtaqu jkunu ħbieb […]