Permezz ta’ kitba fuq il-paġna tiegħu, Clayton Mifsud sellem il-memorja tal-għażiż missieru permezz ta’ kliem mill-isbaħ.
Beda billi qal, “Din għalik, Pa! Dejjem kont hemm, fl-ewwel ringiela, titbissem bi kburija, tħeġġiġni f’kull pass! Dejjem emmint fija, gwidajtni, u sawwartni fir-raġel li jien illum. Kull sena kont tkun ħerqan għal dan l-ispettaklu qisu kien tiegħek, għax b’diversi modi verament kien. Tajtni s-saħħa, tajtni skop, u r-raġuni għala għandi nibqa’ nimxi l-quddiem.”
Żied, “Illejla, għall-ewwel darba, s-siġġu tiegħek ser ikun vojt, imma naf li l-ispirtu tiegħek se jkun hemm, b’saħħtu aktar mis-soltu. Ser nagħti ħilti kollha għalik, għal dak kollu li għallimtni, għall-imħabba u s-sapport li ma waqfu qatt. Nittama li nagħmlek kbur, kif dejjem nipprova. Nimmisjak immensament. Inħobbok għal dejjem.”
Facebook/Clayton Mifsud
