Ixxerja

L-eks Membru Parlamentari Oliver Scicluna qasam mument personali fuq il-mezzi soċjali hekk kif qasam l-awguri ta’għeluq is-6 snin ta’ ibnu Aidan.

F’ritratt li juri l-imħabba bejn missier u iben, Oliver kiteb messaġġ mill-qalb fejn ma naqasx milli jiddeskrivi l-karattru ta’ Aidan b’mod ġenwin u umoristiku. “Illum iż-żgħir tagħna Aidan jagħlaq 6 snin. Karattru nibbixi, għalkemm jaf iħobb mingħajr ma’ jurik,” kiteb, u żied li minkejja r-ras iebsa tiegħu, li kultant iġġiegħlu “ngħid xi kelma #%>##<” – dik id-determinazzjoni tagħmlu speċjali.

Il-messaġġ intemm b’dikjarazzjoni sempliċi iżda qawwija li laqtet ħafna minn dawk li segwewh: “Inħobbuk ħafna.” Il-kitba ġabet magħha diversi kummenti ta’ awguri u kliem sabiħ mingħand segwaċi u ħbieb, li ngħaqdu ma’ Oliver biex jawguraw lil Aidan f’dan il-jum speċjali.

Mument ieħor li jfakkarna li, lil hinn mill-ħajja pubblika, dawn huma wkoll ġrajjiet ta’ mħabba u familja li kulħadd jista’ jifhem u japprezza. Awguri Aidan, nittamaw li jkollok sena mimlija mħabba, għożża u avventuri ġodda.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Illum Mhux Biss Jum San Valentinu, Iżda Wkoll Il-Jum Internazzjonali Tal-Għoti Tal-Kotba

Bernard Xuereb Ilbieraħ

Il-Jum Internazzjonali tal-Għoti tal-Kotba, iċċelebrat kull sena fl-14 ta’ Frar, huwa jum iddedikat biex tagħmel eżattament dak li jgħid it-titlu – tagħti l-kotba. Din il-festa speċjali hija ċċelebrata minn dawk li jħobbu l-kotba madwar id-dinja kollha. Huwa jum biex taqsam l-imħabba tiegħek għall-kotba ma’ xi ħadd – speċjalment it-tfal – li jista’ ma jkollhomx aċċess […]