Illum jiċċelebra għeluq sninu l-personalità karismatika ta’ Big Brother Malta, Marvic Camilleri, karattru li rnexxielu joħloq ftit drama bil-karattru tiegħu fil-programm. Rajnieh ukoll jieħu sehem f’Come Dine With Me Malta u kien il-mistieden tagħna fuq il-Podcast ta’ Gwida, Kellymni.
Matul l-aħħar ġimgħat, Marvic ma waqafx hemm: hu beda wkoll avventura ġdida u interessanti ma’ Josline fil-programm televiżiv Qabża! fuq NET TV, fejn l-enerġija bejniethom toħroġ b’mod ċar.
Minn reality show għal programma ta’ diskussjoni, Marvic qed juri li l-preżenza tiegħu fuq l-iskrin hija waħda versatili u b’saħħitha. Is-segwaċi tiegħu qed isegwuh b’kurżità u entużjażmu, hekk kif jidher li dan huwa biss il-bidu ta’ kapitlu ġdid u promettenti fil-karriera tiegħu fil-media lokali.
Awguri mill-qalb, Marvic! Nittamaw li din is-sena ġġib miegħha aktar suċċessi, memorji sbieħ u – ovvjament – aktar mumenti li jħalluna nitbissmu fuq l-iskrin!
