Ixxerja

L-attriċi Maltija, Joelyne Scerri llum qed tiċċelebra jum speċjali għax għalqet 33 sena, u f’din l-okkażjoni għażlet li taqsam messaġġ mill-qalb fuq il-midja soċjali.

Fost l-aktar xogħlijiet magħrufa tagħha, hemm il-karattru ta’ Madame Kostanz fis-sensiela Żerniq, iżda l-esperjenza tagħha tinkludi wkoll diversi produzzjonijiet oħra fuq it-televiżjoni u fuq il-palk, tant li ħadmet ukoll f’diversi sensiliet Maltin, fosthom Il-Klinika, Erbgħa għal Erbgħa, Noli, Ċirkostanzi u Santa Monika.

Il-vjaġġ artistiku tagħha ma kienx limitat għat-televiżjoni, iżda wassalha wkoll fuq il-palk, fejn interpretat karattri differenti f’produzzjonijiet teatrali. Fost dawn insibu Romeo u Ġuljetta, fejn kellha l-opportunità mhux tas-soltu li tinterpreta kemm lil Ċetta l-koka kif ukoll lil Ġuljetta.

Fil-messaġġ tagħha, hija esprimiet kemm tħossha grata għall-barkiet li rċeviet, għas-saħħa u għall-ġid f’ħajjitha, iżda anke għall-isfidi li kellha taffaċċja. Skontha, kull esperjenza ħalliet tagħlima u għenitha tkompli tikber.

Flimkien ma’ dan, Joelyne talbet lil Alla biex jibqa’ jiggwidaha f’kull pass, jipproteġiha u jagħtiha s-saħħa biex tkompli tħares ’il quddiem b’tama u b’qalb mimlija gratitudni.

It-Tim ta' Gwida.mt jawgura lil Joelyne l-isbaħ xewqat u jixtieq li jkollha sena mimlija saħħa u kuntetizza!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Bosta Jawguraw L-Isbaħ Xewqat Lill-Istoriku U Preżentatur Mario Coleiro

Cristian Tonna Illum

Dalgħodu bosta awguraw l-isbaħ xewqat lill-istoriku u preżentatur Mario Coleiro li llum il-ġurnata mhux l-ewwel darba narawh jippreżenta xi programm fejn fih jirrakkonta parti mill-istorja ta’ pajjiżna.Mario kien sar wiċċ familjari ma’ eluf ta’ Maltin meta għal bosta snin kull nhar ta’ Ħadd kien wieħed mill-preżentaturi tal-programm ta’ popolarità kbira ‘Ħadd Għalik’.L-irwol tiegħu kien ikun […]